$اتــ8ــحــ1ـــادي$
عضو جديد
 عدد الرسائل : 8
رقم العضوية : 6
نقاط العضو :
تاريخ التسجيل : 15/02/2008
 | موضوع: قصيدة الشاعر ناصر الفراعنه في برنامج شاعر المليون  الجمعة فبراير 15, 2008 8:47 am | |
|
ناقتـي ياناقـتـي لاربــاع ولاسـديـس وصليني لابتي مـن وراء هـاك الطعـوس
حائلاً رابع سنه من خيـار العيـس عيـس خفهـا لادرهمـت كنـه بالنـار محسـوس
في دجى خالي خـلا لاحسيـس ولانسيـس تدوخك من شدة البـرد طقطقـة الظـروس
في عيوني يكفخ الطيـر ويطيـح الفريـس وانتهض جساس من دون خالته البسـوس
وفي خفوقي فرخ جنيتاً يضـرس ضريـس يوم اوردها هجـوس واصدرهـا هجـوس
ديرتي دار ابن ضاري وابن غثلـم جريـس ديرة اللي دوجوا في فيافـي نجـد جـوس
ديرتـي يابنـت شيخـاً ومعدنهـا نفيـس عيطموسـاً دونهـا دثرتنـي عيطـمـوس
جادلاً مطرق جسدها مـع الغربـي يميـس طينتاً من تربـة الخلـد والـدم محمـوس
نقشت خمساً من الخمس في يوم الخميـس ليت شعـري مـا ارادت بهـذا دختنـوس
كـم تمنـا إن معـه مثلهـا فتنـه بليـس كان يمكن قد قلب نصـف إمتنـا مجـوس
كن دماث الصدر منهـا كنيسـه او كنيـس صومعة رهبـان ديـراً يـؤدون الطقـوس
آتقـوس مـع تقـوس نواهدهـا وإقيـس قبتين قـاب قوسيـن قوسـاً جنـب قـوس
خصرها يحكي لنـا واقـع القـوم التعيـس وردفها عن غطرسة بـوش يعطينـا دروس
وبالرغم من قصرهـا مايجالسهـا جليـس تصبح أطول نسوة الارض في وضع الجلوس
العروسه ماتبي غير ابـو تركـي عريـس العروسه نجـد ماهيـب حـي الله عـروس
نجد بنت المجد ونسـة مونسـة الونيـس ماعسفها الا معزي ضحى اليـوم العبـوس
كل اهل نجد هلي من إجاء حتـى الخميـس في ذراهم بـالتجي عن مجففـة الرسـوس
وعيشتي مابين أسوداً ولـو مانـي رئيـس (خير من كوني رئيساً على شلقـة تيـوس)
وليس عيباً إن خدعني بمكـره كـل هيـس لان مايفهم بمكـر الهيـوس الا الهيـوس
مصطفى في مأدبـة عمـه البابـا لويـس كبر اللقمه تحت ضـؤ حمـراء الكـؤوس
وطسم حدتها على حائـط المبكـى جديـس يوم شقـت ثوبهـا بنـت عفـار شمـوس
سيدة هـاك القصـر أسمهـا الاول لميـس دونها سمر الحناجـر بترهـا حـد مـوس
قسقسـة لاحرارهم.قيس.قيس.قيس.قيـس والبستهم مـن مهانتهـم انـواع اللبـوس
بين خدعة كعـب اخيـلاً ومولـد ادونيـس درسونـا الالهـه والمـدرس هـنـا روس
ويش لاقوا من قناة السويس اهل السويـس وويش لاقوا من تلمسان قوماً من سنـوس
كلهم من شـدة الجـوع راحـوا خندريـس بين غيبوبة مخدر وصحوة عـرق سـوس
ثـورة راحـوا سببهـا بتـوع الاتوبيـس وش نبي فيها وهـي ماتهـز الا الغـروس
آفة المرء اثنتان الف كـاس وحـب كيـس والنفوس اليا بغيت اتعرفهـا ارم الفلـوس
ينكشف زيف الشعارات الى حمي الوطيـس ترجع الاذناب إذناب وتبقى الـروس روس
صدق لاقال العرب مايحـوص الا الخسيـس ولايوط الروس شئياً مثل ضعـف النفـوس
| |
|
عبودي
% المدير العام %
عدد الرسائل : 93
الدولة : 
رقم العضوية : 1
الأوسمة : 
أحترامك لقوانين المنتدى : 
المزاج : 
نقاط العضو :
هوايتي : 
تاريخ التسجيل : 10/02/2008
| | موضوع: رد: قصيدة الشاعر ناصر الفراعنه في برنامج شاعر المليون الجمعة فبراير 15, 2008 10:02 am | |
| مشكور اخوي اتحادي  | |
|
بـروق في عتمه
عضو متميز
عدد الرسائل : 26
الدولة :
رقم العضوية : 2
الأوسمة : 
أحترامك لقوانين المنتدى :
المزاج : 
نقاط العضو :
تاريخ التسجيل : 10/02/2008
| | موضوع: رد: قصيدة الشاعر ناصر الفراعنه في برنامج شاعر المليون الجمعة فبراير 15, 2008 12:21 pm | |
| صح لسااان الشاااعر الكبير: ناصر الرافعنه,,,,
مشكوور يالغااالي ع النقل.... تحياااتي | |
|
&اليساندرو&
عضو مبدع
عدد الرسائل : 90
الدولة :
رقم العضوية : 2
الأوسمة :
أحترامك لقوانين المنتدى :
المزاج : 
نقاط العضو :
هوايتي : 
تاريخ التسجيل : 10/02/2008
| | موضوع: رد: قصيدة الشاعر ناصر الفراعنه في برنامج شاعر المليون السبت فبراير 16, 2008 4:16 am | |
| مشكووووووووووووور يالغالي على القصيده ونتمنى منك المزيد | |
|
##بدون نك##
نائب المدير العام
عدد الرسائل : 35
الدولة :
رقم العضوية : 8
الأوسمة :
أحترامك لقوانين المنتدى :
المزاج : 
نقاط العضو :
هوايتي :
تاريخ التسجيل : 16/02/2008
| | موضوع: رد: قصيدة الشاعر ناصر الفراعنه في برنامج شاعر المليون الأحد فبراير 17, 2008 6:23 am | |
| [i]الف شكر اتحادي ،،،
قصيدة في منتهى الجمال،،،
تقبل مروري،،،[/i]  | |
|
