قصــايــد مــن ذهــب؟!

بسم الله الرحمن الرحيم


أخواني الاعضاءيسعدني ويثلج صدري أن أكون أحــد اعضاء هذا المنتدى الجميل بطرحــه وبي أعضائه... ومن خلال هذه المشاركه أحب أن تكون أول مشـاركاتي بالشــعر وهو حديــث القلــــوب بلا شــك ...
أخــــواني إلــيكـم ديــوان الشـــاعـــر المبــــدع ::: متعــب التــــركــــي ،،،،،،


يوان متعب التركي
............................
1
يوم طاب السهر عيت تطيب النفوس..
جت من الله واناكم كنت محتاجها..
كنها من حلاها كل ليله عروس..
خايفه من عيون الناس واحراجها..
حي هالطول يازول عساه محروس..
من عبث لوعةالايام وازعاجها..
تزعل نفوس وإلا تمتلي غيظ روس..
من يقرب لها وضلوعي سياجها..
لامتى وانت ياشوق القلوب محبوس..
طالت السالفه وابطيت بعلاجها..
جعل قلب على نار الغياب محموس..
يحترق بين صاليها ووهاجها..
من خبرله غلا بين الضلوع مغروس..
غرسة كلبو شعري من انتاجها..
لاتقرب لك الفرقا هذيك الهجوس..
من متى والبحور تفارق امواجها..
لازم اصبر على وجه الزمان العبوس..
لين سود الليالي يضحك احجاجها..
من بغى يقطع الفرجه يعاف الجلوس..
لين ياصل نهايتها ومخراجها..
كان شعري قصر ماطال شمس الشموس..
تستريح القصايد داخل ادراجها..

............................
2
ياوسيع البال ضيقت الصدور/رحت ماعلمتني وين انت ساري/في غيابك مالخلق الله حضور/وفي حضورك مالهم بالبال طاري/ليه ماتختال يابدر البدور/والقصايد لك وصيفات وجواري/لك بنات الفكر ربات الخدور/يكشفن الثامهن والجرح عاري/جعل قلب ماملاه الصدق نور/عن وجه الريح مايلقى مذاري/التغاضي عجز لا طال القصور/ليه أداري وانت عني منت داري/الزمان قصير والدنيا تدور/كل يوم يضيق في عيني مداري/صاحبي محتاج لك شعر وشعور/وإحتياجي شي ماكان اختياري/من متى والغصن يختار الطيور/من متى والبال يختار الطواري/لاتسمي صمتي البارح غرور/إنكساري خلف هالصمت امتواري/في غياب الشمس وش ذنب الزهور/والمطر لاشح وشب ذنب الصحاري/اللقا لحظات والغيبه شهور/تقصر الخطوات ويطول انتظاري/لو قريت المنكتب بين السطور/ماكتبت لغلطة العمر اعتذاري/صمت هالمينا مثل صمت القبور/مارسى مركب ولا لاحت صواري

............................
3
ياسعود لاتنشد ترى ماني مجيب
‏خل الذي خافي له شهور خافي ..!!
إن شفتني مغتاظ لي حق ومصيب
ياسعود مزعلني جديد إكتشافي.
الغالي اللي كان من قلبي قريب
‏بيني وبينه صار مثل التجافي.
إن قلت زله...مثلنا زلته عيب
‏من قال لك شمس الضحى ماتشافي.
إن قلت هقوه...يمكن تصيب وتخيب
كم لي سنة ماشفت فيه إختلافي.
وإن صار في نفسه بعض شكه وريب
‏حتى البحر ماهو على طول صافي.
صرنا من الصده سوات المصاويب
‏كلن نقل جرحه وقال : امتعافي.
أصعب فراق...فراق عكف الأشانيب
‏ماهو مفارق...لابسات الغدافي.
والذيب لامنه عوى جاوبه ذيب
والعلم حامض..بس وين الأشافي
ودامه لقاله غير قلبي معازيب
‏الله يسمح درب هاك السنافي.
يروح...لايرجي رسول ومكاتيب
‏هو خابر إني...ماأتلفت خلافي.
واللي تعلى فوق روس المراقيب
‏أكيد ماتسفي عليه السوافي.
رح بشر اللي "شال شلفا" تراحيب
‏قله...تراها كلبوها عوافي.
اليوم نفسي طابت وباكر يطيب
جرحي لو أنه من يدين المشافي.!!

............................
5
هب الهوى غرب واجتاح الضلوع وشعرت..
ان الليالي الجميله هب نسناسها..
مدري كبر حلمنا والابعيني كبرت..
والاهي اوهام ودي يصدق احساسها..
تنساني ايام وتجيني متى ماذكرت..
اليامتى وانت روحي حابس انفاسها..
كنت اجمل احلام عمري بس ليه انكسرت..
يازين الاحلام لو ماينكسر باسها..
بيديك مديت لي كاس المحبه وصرت..
انا اول اللي يذوق المر من كاسها..
من يومها وانت قدام عيني ولو ماظهرت..
دايم وعيني تشوفك بين جلاسها..
قدرت ولا على نفسي معك ماقدرت..
لازاد عنها غيابك زاد وسواسها..
لوشفت حال الورق والشعر عقبك عذرت..
اللي حرق صفحة الماضي وكراسها..
ماكنت اصدق يجي يوم ابتسم لانظرت..
اطلال ركب الليالي مر ماداسها..
وإلا انت لوقلت لي نادم وجيت واعتذرت..
كان اجمل ابيات شعري ينحني راسها..
مافيه داعي توصيني تراي اعتبرت..
فرقاك ذكرى وشعري علق اجراسها..
يكفيني البارح اني في عيونك سهرت..
وقفت بين العيون السود وانعاسها..
ان رحت ماانت اول اللي راح وان حضرت..
قلت الليالي الجميله هب نسناسها..

............................
6
نسيتني علمنــــــي شلـــون ابنساك..
فــي هالزمـــن نسيان الاحباب عادي..
وشـــلون لا مـرت على البال ذكراك..
و طيفك سرق منــــي لذيذ الرقادي..
وشلون لاقالوا لي الناس وش جاك..
من كنت في لـــذة منامــك تنـــادي..
وشلون اعيش اللــي بقالي بليــاك..
لا من غديـــــنا كل واحـــد..بــوادي..
لوقلت اداوي جرحـــي اللي تباطاك..
ماكــــل جـــرح يفيد فيه..الضمادي..
اعلنت حبــــك ليـــن كـــل..تمنـــاك..
غلطه وغيـري من خطــايا ستفادي..
لولي..مثل قلــبك تمنيــت.. فرقاك..
واكيد قبـــلك بالجفا.. صرت بـــادي..
حلوه عذاريــــبك وحلـــوه..مزاياك..
حتــــى بيوم فراقـــنا كنت..هـــادي..
كن الليالـــي ودهــا تكسب رضـاك..
وآنا يطـــول مع الليالــــي جهادي..
في ذمتـــي ماهــي غريبه خطاياك..
مبطـــي وقلــبك لــو تنبهت غــادي..
سهله على من كان مثلك وشرواك..
مثـــل الثـــياب يغيـــرون المبادي..
علمــني اكــره ذكــرياتك وطرياك..
وانســـى من الليله صــدوق الودادي..
ولانــي بقايل عقـــبها وين ابالقاك..
راضــي ولــو جــروح قلبي جدادي..
ولا القصــايد جعـلـها مـــن فداياك..
لبســتها مبطــــي ثيــــاب الحدادي..
باكـر على المخطـي يدورن الافلاك..
ونشـوف من يصـعـب عليه البعــادي..
............................

............................
8
مرفوض ياللي بعت غيره عشانه..
أزريت عن رد الجزا او تهاونت..
مابي لك اكثر سد باب الميانه..
بانت مع الوقت الخفايا وبينت..
مادام مالي وسط قلبك مكانه..
انا بعد مثلك عن الحب هونت..
انا مثل خيال خانه حصانه..
عذره يقول من الرسن ماتمكنت..
غره مع المركاض وارخى عنانه..
مخطي وانا غلطان يوم اني امنت..
لو كنت وافي ماتخون الامانه..
ياللي تقول تشيب روحك ولاخنت..
ذاك الهوى لو ما شعرت بحنانه..
ماكنت في حلو القصايد تفننت..
شاعر تزلزل من فراقك كيانه..
لك يعترف مايسكن القلب غير انت..
لو كان قلبك صافي الود خانه..
في ذمتي ماهان حبك ولا هنت..
أحد يخون وواحد الوقت خانه..
انا ترى الثاني والاول تراه انت..
............................
9
مدري البارحه وين إفتكرت وسرحت..
هي طواري او ان هموم قلبي ثقال..
هي طرتلي قديم الذكريات ولمحت..
زول وإلا الحكايه كلبوها خيال..
هجن ركايب فكري بالمشاعر وصحت..
منهو اللي تغافلني وفك العقال..
ضقت والبال عمس ومنقلب فوق تحت..
هي من شوي يوم تفوح صفر الدلال..
ودي افرح ومن مبطي انا مافرحت..
ودي القا عن شموس الحبايب ظلال..
كم سنة عقب مركوز النهد مافتحت..
قلبي ولاعيوني للغلا والجمال..
لوبغيت انتهز فرصات واجد ربحت..
كانت اجمل فرص عمري تنادي تعال..
ماهو بعيب لازليت وإلا جنحت..
منهو اللي بلغ فينا حدود الكمال..
وانت ياللي عن حدود المحبه نزحت..
كل ماشدلك حيلي تشد الرحال..
ماشكيتك لواني من جفاك انذبحت..
وانت شف حكمة الخالق ذبحك الدلال..
لاتقول انك بذاك التصرف مزحت..
يوم سويت في هاك النهار احتفال..
ماهجيتك ولاكني ابد مامدحت..
كلبوهن عقب هالعشره اكبر محال..
صاحبي دام انا منك وعليك انجرحت..
لاتجيني على درب الخطأ والخمال..
تدري اني تحملت الكثير وسمحت..
خابر ان التسامح من كريم الخصال..
ليه تفهم غلط وشفيك لبعيد رحت..
ماطلبتك تشيل الهم يابن الحلال..
ماشغل بالي إلا يوم افكر بنحت..
القصايد واحفظها قلوب الرجال..
قالوا اني بترويض القوافي نجحت..
قلت اجل كيف لوبزعل وامس الحبال..
لوتخوفت من الخطر مافلحت..
مايهاب الصعاب إلا ردي العيال..
عكس تيارهم شفني جزمت وسبحت..
ماحرصت اني اترك للتراجع مجال..
لوطموحي قريب من زمان استرحت..
مير خابر محلي فوق روس الجبال..

...........................
11
متى ذكرتيني على شان تنسين..
خليك مره صادقه وانصفيني..
في وقت واحد تكرهين وتحبين..
انا تعبت استحملك واعذريني..
حب سرق من عمري ايام وسنين..
مثل الهوا مايمسكنه يديني..
............................
12

ماني أعمى بصيره..بس وش عاد أسوي..
مايطيب الجريح إن كان ماينتداوا..
كن حبه على حدب الضلوع امتطوي..
كيف أبقوى وأنا بيبان قلبي تهاوا.،،
شوف قلبي من جروح البعاد امتكوي..
عقب ماقلت جرح العام طاب وتشاوا..
يوم ساقوا ركايبهم وشبيت ضوي..
ماتخوفت وسباع الخلا لي تعاوا..
أشهد إنه تعكر عقب ماراح جوي..
مانسيته وزوله للعيون ايتراوا..
زل وقت الوعد ماعاد فيها تروي..
بس أنا وإنت ياحرف القصيد انتخاوا..
قل لهم ياقصيدي لايروحون توي..
ماني اللي حضوره مع غيابه تساوا..
رد عني علومن ماتونس عدوي..
قل لهم متعب التركي عليل وتداوا..

............................
13
ماقلت لي شي وش خليت ماقلته..
أسكت وخل ألكلام لجرحي ألدامي..
لو غيرك اللي يسولف ما تحملته..
لكن على شان عينك هانت آلامي..
للحب مفهوم عمرك ماتخيلته..
ما أظن يستوعبه تفكيرك ألسامي..
هذا ألفراق ألطويل وهذي اسألته..
هذا حصاد ألسنين وهذي أيامي..
ياما وياما عليك ألبال طولته..
وألعمرعدى وأناعايش على أوهامي..
حتي طريق ألفراق أللي تساهلته..
لقيته أصعب على نفسي من أقدامي..
هذا قصيدي بعينك لو تجاهلته..
ينزف على شان يروي قلبك ألضامي..
ألعام طاري غيابك ما تقبلته..
وأليوم حرماني أصبح مصدر إلهامي..
لاتعتذرلي وابنسى كل ما قلته..
وش ينفع ألعذر لا من ضاعت أيامي..
أصبر لي شوي لو دمي تثاقلته..
بحاول استوعب أللي صار قدامي..
ألحب ضحكه بعينك بس ما طلته..
عمرك بها ألكون شفت ابسط من أحلامي..
ألقلب لو ماخفق لك كان ماشلته..
ولو ما أنت ملهم قصيدي جفت أقلامي..


هذه بعض قصائده ،،، تقبلــــوووو تحيـــاتـــي

مشكور

شــــــــــــــــــــــــــــــــــــكـــــــــــــــــــرا